2013, മാർച്ച് 3, ഞായറാഴ്‌ച

പരിസ്ഥിതി സംരക്ഷണം അടുക്കളയില്‍ നിന്ന് ആരംഭിക്കണം: ബഷീറലി തങ്ങള്‍ -


ദോഹ: മുസ്‌ലിംലീഗിന്റെ പരിസ്ഥിതി സംരക്ഷണം ലക്ഷ്യമിടുന്നത് വീടുകളില്‍ അടുക്കളത്തോട്ടം ഉള്‍പ്പെടെ വ്യാപിപ്പിക്കുകയാണെന്ന് പാണക്കാട് സയ്യിദ് ബഷീറലി ശിഹാബ് തങ്ങള്‍. ഹൃസ്വ സന്ദര്‍ശനാര്‍ത്ഥം ഖത്തറിലെത്തിയ അദ്ദേഹം മിഡില്‍ ഈസ്റ്റ് ചന്ദ്രിക ഓഫീസ് സന്ദര്‍ശിച്ച് സംസാരിക്കുകയായിരുന്നു. മുസ്‌ലിംലീഗിന്റെ അജണ്ട മാതൃകയാക്കി പലരും പരിസ്ഥിതി സംരക്ഷണത്തിന് രംഗത്തുവരുന്നത് സ്വാഗതാര്‍ഹമാണ്. പ്രകൃതിയെ സ്‌നേഹിക്കുക എന്നത് മനുഷ്യ നന്മയുടെ പ്രചാരണമാണ്. മനുഷ്യര്‍ക്കും ജീവജാലങ്ങള്‍ക്കും സംരക്ഷണമേകുക എന്നത് മതവിശ്വാസിയുടെ ബാധ്യതയാണെന്നും അദ്ദേഹം വിശദീകരിച്ചു. ജീവകാരുണ്യ രംഗത്ത് പുതിയൊരു അധ്യായം തന്നെ രചിച്ചിരിക്കുകയാണ് ബൈത്തുറഹ്മ പദ്ധതി. കൂടുതല്‍ സൗഹാര്‍ദ്ദാന്തരീക്ഷമാണ് മലപ്പുറം ജില്ല അടക്കമുള്ള പ്രദേശങ്ങളില്‍ ഇതിലൂടെ രൂപപ്പെട്ടുവന്നത്. വര്‍ക്ഷീയതക്കെതിരെ എന്നും നിലപാടെടുത്ത മുസ്‌ലിംലീഗ് പുതിയ തീവ്രവാദ പ്രവണതകള്‍ക്കെതിരെയും ശക്തമായ നിലപാടെടുക്കുന്ന രാഷ്ട്രീയ പ്രസ്ഥാനമാണ്. -അദ്ദേഹം വ്യക്തമാക്കി.

അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ